اسف حبيبتى

راجعة تانى
 تقولى اسفة
موش بايدى
غصب عنى
كل شىء خارج ارادتى
راجعة تانى
  بالندم

ودموع عيونك
 نازله بحرمن عدم
طب ليه جرحتى
ليه  دبحتى
ليه سرقتى حلم عمرى
وبعتى ايام الهنا
وانا.....!؟
ذى ما نا
فى سؤال عاوز اجابة
ايه حيرك ....؟
وعن حنانى غيرك...!
دا انا كان فؤادى بيسحرك
من كلمة واحدة
كنتى تدوبى فى الهوى
حتى كلامى فى القصايد
كان كل حرف بسمعه
من صوت غناكى ع الغصون
اكتب مشاعرك بالحنان
تطلع قصيدة مرتبة
يقراها كل العاشقين
وتصير مناهج فى الحنان
 لكل عشاق الهوى

وفى لحظة واحدة
الاقينى نازل م السما
على  حب ضاع
 من غير تمن
واللى باعوه نسيوا يسبوا
ذكرى واحدة
ترجع لى
عمرى اللى اتسرق


اسف حبيبتى
سهمك جرحنى