إشهد علينا يابحر
شوف إيه جرى ليا
خلى اللى كنت اواسيه
فاتنى وخلا بيا
هانت عليه عشرتى
وفات الضنى فيا
أمانه عليك يابحر
إن شوفتو نادينى
وينسى كل الاسى
ويرجع يواسينى
سرى معاك يابحر
ما تبوح عليه لطيرى
خايف لـَ بيه يشمت
ويلوف على غيرى
يمكن فـ يوم يرجع
ويعيش تانى فـ خيرى
أمانه عليك يابحر
توصله سلاماتى
وقوله إللى فات اتنسى
ويعيدلى ذكرياتى
أمانه عليك يابحر
قول للودع سرى
وتوشوشو بشويش
لـَ يسمعو خلى
خايف يروح مايجيش
وإيه تانى فاضللى
لو مره فاتنى فـ يوم
روحى عليه بتحوم
وانسى العتاب واللوم
أصل الدلع منى
0 تعليقات