متعلقين---بحبك يا مصر

متعلقين---بحبك يا مصر؟ الصوره خلتنى اكتب الشعر ده؟

الصوره دى خلتنى اكتب الشعر ده احنا ف مصر كده متعلقين بيها برغم اننا اوقات مش بنحبها بس مش هيا السبب السبب اللى بيمسكوها بس برضو؟؟
متشعلقين
وسط الحياه
ولا طولنا ارض
ولا قولنا اه
ولا قولنا انا منبوزين
ولا محروقين
ولا مخنوقين
ولا مزنوقين
بين اه ولاه
ولا مره كنا مغصوبين
متشطرين على بس بعض
عايشين بوعد
ماسكين بوعد
نهتف بسعد
وتعيش يا سعد
هتيفه ديما ف المصايب كلها
ووقت العراك؟؟ سيبنها تاكل بعضها
سيبنها تلقى وعدها
حسين بها
لكن يوماتى نهدها؟
ونقول صباح الخير يا مصر
مصر النهارده
مصر اللى بينا معلقه
مصر اللى كت نور كلها
دلوقتى صبحت مشنقه
مصر الحسين والسيده
مصر اللى كت متزوقه
مصرالرويعى والدرب الاحمر
دلوقتى مصر الغردقه
مصر اللى بتصحينا بدرى
مصر ف مارينا مطبقه
مصر الهلاوس والخمور والبعزقه
مصر اللى كانت وسطنا؟؟
راحت بعيد اوى مننا
دلوقتى منا مفلقه؟
مصر الكرم مصر الهرم
دلوقتى منا مطربقه
مصر اللى كانت قلب منا كل يوم
حطوها جوه ف شرنقه؟؟
مصر الغلابه الشقيا نين
مصر الشقا والتعبانين
مصرالعمار و الفرانين
مصرف سمار الفلاحين
مصر ف قرئنا الكريم
مصر الجديد مصر القديم
والهم بالهم التقا
عااااااوز اصرخ يا بلد
عاااوز اهج من البلد
بس البلد جوه القلوب متشعلقه
يا هلترى؟
هنكون ف وسط المعركه
ويكون قلوبنا ف قلبها
ونشيل هموم جت منها
ونحب فيها واهلها
وعشان نكون جديرين بها
لازم نصلى لاجلها
لازم نحلى ف بقها
لازم نشيل من همها
اكمننا واكمنها
بتحبنا
واحنا بجد نحبها
يبقا اللى بيحب الوطن
ممكن يموت علشان وطن
ويكون دمو فده دمها
وسعتها هيكون ابن مصر
هيعيش لها ويموت لها
وسعتها مصر تقول بانك ابنها
يا بخت مصر باسمها
يا بخت مصر بابنها