الحطبة فيـــ كلمتيـــن

الحطبة فى كلمتين
انا حطباوى وشارب من نيل بلدى
وماشى فى دروبها ولافف شوارعها
من المحطة والعزبة للزياتين
مين قال ان بلدى قليلة
مين قال ان الخير موش فيها
حرام يا ناس دى بلد الاكرمين
بلدى وبلدكم
كبرنا وسمعنا اول ندا للاذان
من مساجدها
مشينا واتعلمنا على ايد عظماء الكلمة
اهديك تحية ياغالى واسمك احمد
رمزت للعلم فى كلمة
شوارعك يابلدى بستان فى قلبى
مزروع ورود من جنة ربنا
وطيبة اهلك يابلدى من الكرم زودتنا
يا ام الرجال وام البنين يا طيبة
بحبك بحبك بحبك
ومهما كبرت عليكى
هرجع لحضنك واقولك
وحشتينى يا طيبة
هاجروا ولادك وفاتوكى
بعدوا سنين وما نسيوكى
وفى القلب ساكن اسمك جواهم
لاتحزنى يا بلدى من فراق اولادك
هيعودا تانى من بعيد شيلين سلاح
سلاح بيبنى ويزين شوارعك
وتقولى وسط المداين ابنى لابسنى طرحة
وجابلى سجادة صلاة
ورفع مااذنى للسما
وعلم احفادى الكلمة
دول ولادك يا حطبة قومى وافرحى
دول احفادك يابلدى قومى زغرطى
دكتور وشايل شنطتة
محامى شاطر فى محكمتة
مهندس وبارع فى البنا
دول ولادك يا بلدى قومى وافرحى